Starfsmenn sem vinna í nálægð við raforkuvirki geta orðið fyrir hættu af völdum ljósboga, hvort sem það er á háspennu eða lágspennu. Aldrei er hægt að útiloka tilurð ljósboga í aflkerfum og því þarf að gera varnar- og varúðarráðstafanir, sérstaklega við viðhaldsvinnu rekstraraðila veitna. Ljósbogar eru ekki aðeins afleiðing skammhlaups, heldur verða þeir einnig til við aðskilnað spennuhafa hluta sem aflflutningur fer um.

Greining og mat á hættu ljósboga

• Lota greinir og metur hættuna af völdum ljósboga með sérhæfðum hugbúnaði.
• Út frá þeirri vinnu verður til áhættumat í formi skýrslu.
• Viðvörunarmerkingar eru settar á búnaðinn þar sem hættunni er lýst og greint frá viðeigandi persónuvörnum skv. staðli NFPA 70E.

Námskeið og fræðsla

• Lota heldur námskeið og erindi fyrir starfsfólk raforkuvirkisins.
• Á námskeiðunum er farið yfir hættur og nálægð við rafbúnað.
• Fræðslan tryggir að starfsfólk sé meðvitað um hættur og varúðarráðstafanir í tengslum við ljósboga.

Við hjá Lotu leggjum mikla áherslu á öryggi starfsfólks í nálægð við raforkuvirki og styðjum við okkar viðskiptavini með nákvæmum greiningum, áhættumati og fræðslu.